صدقتك يا قلبي وانا خايفه
خايفه ليكون وهم مش بجد فرحه
فرحه فضلنا نتمناها دايما بلهفه
وطلع قلبي موهوم وانا موهومه معاه
طلعت يا قلبي عايش فوهم انت بتتمناه
وهم انه بيحبك وخلاص هتعيش معاه
بس طلعت مش انت ابدا الي بيهواه
وجه الوقت الي بيقسى عليك وعايزك تبعد عنه وتنساه
بس بجد صعبت عليا وقتها
صعبت عليا دموعك وهي بتصرخ خلاص كله انتها
مش عارفه ازاي انت كده صدقت
مش عارفه ازاي انت كده اندفعت
ازاي صدقت انك في لحظه كده فرقت
لا انت مش فارق ولا حاجه
ولا عيونه ليك محتاجه
انت بقيت عنده ولا حاجه
عيط يا قلبي انا بجد عزراك
عيط يا قلبي وخرج كل الي جواك
مع انك مهما خرجت الحزن برضه هيرجع يملاك
عيييييييط على ايام الهوا
عييييييط على احلامنا سوا
اقولك ايه انا بجد مصدومه
ازاي انا كنت بالحب ده موهومه
ليه الحياه بتعدي كده مره
ليه مرتحناش فيها ولا مره
انا بس مستغربه ازاي كده ينسانا
ازاي تهون عليه ايام هوانا
ازاي بعيد عنه كده خلانا
خلاص يا قلبي اتعود على كده
خلاص لازم ننسى الحب ده
لان حبك ليه هو دا مصيره
ولازم نتعلم نكمل الطريق من غيره
